Yamaha 校友分享
「我十分推薦通利的Yamaha 親子音樂課程！
Yamaha課程俾小朋友一個好友善輕鬆既環境接觸鋼琴，係一個好好進入音樂世界既入台階；
由細早學音樂可以訓練思維，刺激腦部發展，無論對於成長路上音樂興趣，或者其他方面既發展都有好大幫助！」
大家好，我係姚尚恩Francis！我係一位牙醫，亦都係一位從小到大都好熱愛音樂，有彈鋼琴同拉小提琴既業餘樂手！而我既音樂旅程，就係喺Yamaha既Music Wonderland開始既!
喺我三歲既時候，屋企人為左想培養我對音樂既興趣，就報名帶左我去(通利琴行報Yamaha) Music Wonderland學鋼琴；雖然之後就轉左跟私人鋼琴老師繼續學鋼琴，但係紮實既音樂既根基就係喺Music Wonderland呢度打起。過左兩三年，大概6歲既時候我就開始學小提琴；升到小學，中學都有參加學校管弦樂團同埋String Quartets (弦樂四重奏)，認識到好多志同道合既好朋友；途中都有自學中提琴係管弦樂團拉。入左香港大學牙科既時候，好快就加入港大管弦樂團拉小提同中提琴，中間甚至有機會做過兩次樂團學生指揮帶領樂團演出！玩左兩年就自己組隊拉下String Quartet表演，亦有聖誕節既時候喺街頭busking。到左依家成為執業牙醫之後，放工亦不忘音樂，間中都有參與其他業餘管弦樂團拉琴，認識熱愛音樂既朋友。
Yamaha音樂課程係用一個好生動既方式去培養小朋友對於音樂既好奇心同興趣；畢竟自己嗰陣上堂既時候都好細個，我記得既未必係好多彈琴技術上既野，但係就記得老師同我地生動既交流同互動；加上親子課既模式可以喺家長陪同下一齊上堂，令小朋友會以一個又輕鬆，亦比較有安全感既環境下激發對音樂既興趣。
從幾歲開始學音樂到依家，音樂已經喺我生命裡面都算係一個不可劃缺既一個部分。音樂帶左俾我既除左係一個興趣嗜好陶冶性情，亦喺生活唔同既地方俾機會我認識好多志同道合既朋友。依家好多透過對音樂認識既都係我最好既朋友，到依家有時都會一齊去聽音樂會或者夾琴，接觸同埋參與唔同既樂團玩音樂；之前甚至有機會同朋友參與樂團同本地樂隊RubberBand同YouTube 藝人TwoSet Violin既演出！
音樂除左令我同唔同既人打開話題曠闊自己社交圈子，亦俾到我喺生活上一個好好既工作生活平衡；就算工作忙或壓力大既時候，玩音樂或聽音樂都可以用黎俾我舒緩下情緒分散注意，俾時間自己停一停，抖完差足電先再重新出發，其實對自己學習，工作既進度都有相輔相承既作用。
其實學習音樂同做好多其他野一樣，都係好需要不斷反覆練習，重中搵到自己既錯誤加以改正，將做得好既野練得熟能生巧；所以從小學習音樂可以鍛鍊一定專注力同埋意志。而我認識好多玩音樂既人，都會對於練習有執著。
做牙醫同學樂器另一個共通點，就係需要一定既手動靈巧度；例如小提琴手指按音階既位置精準度都會影響音準同音色，所以由細到大學習唔同既樂器，都幫左我訓練手腦協調。而我都覺得呢啲從小訓練既手動靈巧度，都幫左我好多依家做牙醫需要既技術，喺口腔咁微細空間做既手作程序，例如補牙，杜牙根等等。近一兩年我甚至跟Gazzini工作室自己落手做一部自己既小提琴，期望可以之後演出都攞住自己一手一腳做既小提琴演奏！
